1. Малга берилүүчү дан, дан аралашкан тоют. Койлор арпа, күн жара аралашкан жемди бурдуга сугунушту (Убукеев). Саадат уй сааса, энеси жанында туруп, уйга жем даярдайт (Айтматов). 2. Канаттуулардын жана айбандардын жей турган жалпы эле азыгы, тамагы. Балдарына жем издеп, Каркыра кетти бечара (Тоголок Молдо). Канаттуу куштар жем үчүн, Торго түшөт асмандан (Токтогул).

Тегирмендин чанагынан түшүп жаткан данды кичинеден жана бир калыпта чубурта турган, чанактын алдына орнотулган бөлүгү. Жемден шыркырап чубурган кайрактын кызыл буудайы үбөлүп аппак ун болуп, чоң ящикке эленүүдө (Сыдыкбеков).

аңч. Кара мылтыктын дары куйган тешиги жана ага салынуучу дарынын өлчөмү.